ಕಬ್ಬಿಗ

ಕಬ್ಬಿಗರ ಕಬ್ಬಿಗನು ಭಾವದೊಳಗುಬ್ಬುಬ್ಬಿ

ಹಬ್ಬುತಿರಲೆಲ್ಲೆಲ್ಲೂ ನಮಗೆ ಹಬ್ಬ

ಒಬ್ಬಟ್ಟು, ಸಿಹಿಗಡಬು ಕಜ್ಜಾಯಗಳ ಮೆದ್ದು

ಕಬ್ಬಗಳಲವತರಿಪ ಗಣಪನೊಬ್ಬ

ಅಕ್ಷರಾಕ್ಷರಗಳನು ಹಾರದೊಲು ಪೋಣಿಸುತ

ಅಕ್ಷರವೆ ತಾನಾಗೆ ಗಣಗಳೊಡೆಯ

ತ್ರ್ಯಕ್ಷರದ ಬಂಧವನು ಸೃಷ್ಟಿಸೌಂದರ್ಯದಲಿ

ಸಾಕ್ಷರೀಕರಿಸದನೆ ರಸಗಳೊಡೆಯ

ಮಾತು ತಾ ಮೈಯಿಂದ ಕೊಳೆಯ ಕಳೆಯುವ ವೇಳೆ

ಮತಿಯಲನ್ಯರನೊಳಗೆ ಬಿಡದಂತೆ 

ಮಥಿಸಿ ಒಂದರ್ಥವನು ತಂದು ನಿಲ್ಲಿಸೆ ಹೊರಗೆ

ಪತಿಯಾದ ಮೌನಶಿವ ಬಂದನಂತೆÀ

ಒಳಗೆ ಬಿಡೆನೆಂದವನ ಕ್ಷಣದೊಳಗೆ ತಲೆ ಕಡಿಯೆ

ಅಳುವಿನೊಳಗಿಳಿದಂತೆ ಮಾತ್ರಕಾಲ

ಇಳೆಯಗಲ ಸಲಗದಲೆ ಕಡಿದು ಮತ್ತಿಡಲಲ್ಲಿ

ಹೊಳೆದಂತೆ ಗಣ ಋಷಿಗೆ ಸೂತ್ರಜಾಲ

ನಿಯತಛಂದೋ ಗತಿಯ ಗಣನಿಯಾಮಕನಾಗಿ

ಪೃಕೃತಿಕಾವ್ಯವ ಬರೆದ ಪ್ರಥಮ ಕವಿಯು

ಕವಿಗಣಕೆ ಕವಿಯಾಗಿ ಅಕ್ಷರದ ಛವಿಯಾಗೆ

ಗಣಪತಿಯು ಜಗದೇಕಕಾವ್ಯಋಷಿಯು

ಡಿ.ನಂಜುಂಡ

05/09/2016

?

PÀĸÀĪÀÄPÉÆêÀÄ®PÀ®àªÀ®èjAiÉÄ ªÁUÀÔjAiÉÄ

gÀ¸À£ÁUÀæzÀ° PÀÄtÂzÀÄ PÀÄ¥ÀླྀÀÄ vÁAiÉÄ

ºÀ¸ÀÄUÀƹ£ÀAvÉzÉUÉ MzÉzÀÄ vÉÆzÀ®ÄvÀ®Ä°zÀ 

ºÉƸÀ £ÀÄrUÉ ¨ÉqÀVj¹ ©qÀzÉ£Àß PÁAiÉÄ

vÀ£ÀĪÀÄ£À¢ ºÀÆAPÀj¹ PÀtPÀtªÀ gÀhÄtgÀhÄt¹

WÀ£ÀªÀiË£À¢AzÉzÀÄÝ ¨ÁgÉ ¸ÀgÀ¸ÀwAiÉÄ

¨Á£À §AiÀįÉƼÀÄ ¨É¸ÉzÀ PÁ£ÀÄUÀ¼À PÀ®zÀAvÉ

£Á£ÀÄ°zÀ ªÀiÁvÀÄUÀ¼À ¥Á°¸É¯É ªÀiÁAiÉÄ

£ÀÆ¥ÀÄgÀzÀ gÀhÄAPÀÈwAiÀÄÄ ¨sÀÆ¥ÀÄgÀ¢ ªÀiÁzÀð¤¹

wæ¥ÀÄgÀ¸ÀÄAzÀj ®°vÉAiÀiÁ£ÀAzÀ¢AzÀ

C¥ÀgÀÆ¥ÀzÀw±ÀAiÀÄzÀ ZÀgÀtªÀtðªÀ vÉÆÃj

«¥ÀÄ®¸ÀA¥ÀzÀ«ÃAiÉÄ ªÀiÁzsÀÄAiÀÄð¢AzÀ

dUÀzÀUÀ® ªÁ妹ºÀ MAzÀPÀëgÀzÀ ¥ÀzÀªÀÅ 

UÀUÀ£ÀUÀ¨sÀ𢠪ÉƼÉvÀÄ aUÀÄj aªÉÄäzÉUÉ

gÁUÀgÀAfvÀ ¨sÁªÀ®vÉAiÀi°è ºÀƪÁV

ªÉÆUÀzÀ®gÀ¼ÀĪÀÅzÉ®è ¤£Àß CZÀð£ÉUÉ

r.£ÀAdÄAqÀ

26/08/2016

ನಲ್ಲೆಯು ಮನೆಯೊಳಗಿಲ್ಲದೆ ಹೋದರೆ...

ನಲ್ಲೆಯು ಮನೆಯೊಳಗಿಲ್ಲದೆ ಹೋದರೆ

ಬೆಲ್ಲದ ಸವಿ ತಾನಳಿಯುವುದು

ಬಳೆಗಳ ಘಲ್ ಘಲ್ ನಾದವ ಕೇಳದೆ

ಪಲ್ಯವು ಕರಿಗಲ್ಲಾಗುವುದು

ನೆಲದಲಿ ಮಲಗಿಹ ಕಸಗಳು ಅಲ್ಲಿಯೆ

ಆಲಸದಲಿ ಮೈಮುರಿಯುವುವು

ಬದಲಿಸಿ ಮಗ್ಗುಲನಾ ಬದಿಗೀಬದಿ-

ಗೆದೆ ಬೆನ್ನಾಗಿಸಿ ಹೊರಳುವುವು

ತೊಳೆಯದ ಪಾತ್ರೆಗಳತ್ತಿತ್ತಲುಗದೆ

ಕಾಯಕ ಯೋಗವ ತೊರೆಯುವುವು

ಕೆಲಸವ ಮಾಡೆವು ನೀರನು ಮುಟ್ಟೆವು

ಎನ್ನುತ ಮುಷ್ಕರ ಮಾಡುವುವು

ಹಾಸಿದ ಹಾಸಿಗೆಯದೆ ಆಸನದಲಿ

ಮಿಸುಕಾಡದೆ ತಾ ಧ್ಯಾನಿಪುದು

ಹೊದಿಕೆಗಳೆಲ್ಲವನೆಸೆದೆಸೆದಲ್ಲಿಯೆ

ನಾಮರೂಪಗಳ ತ್ಯಜಿಸುವುದು

ನಲ್ಲನ ಮೊಗಹೂಗಿಡದಾ ಬುಡದಲಿ

ಕಳೆಗಳು ಸೊಂಪಲಿ ಬೆಳೆಯುವುವು

ತೋಟಿಗನಿಲ್ಲದ ಕೈದೋಟದ ಹಾಗೆ

ಮೊಗ್ಗುಗಳರಳದೆ ಉದುರುವುವು

ಡಿ.ನಂಜುಂಡ

20/08/2016

ಶಕ್ತಿ

ಪಂಚಕರಣವಿಷಯವೆಂಬ

ರಾಮರಸವ ಕುಡಿದ

ಶಕುತಿ ನೀನು ಸುರುಳಿ ಸುತ್ತಿ

ಮಲಗಿ ನಿದ್ದೆಗೈದ

ವಿಶ್ವಪುರುಷವಿರಹಿ ಪ್ರಕೃತಿ!

ಏಳು ಮೇಲಕೇರು

ಆರು ಗಂಟುಗಳನು ಬಿಡಿಸಿ

ನಿನ್ನಿನಿಯನ ಸೇರು

ಇಂದ್ರಿಯಗಳ ಉಪವಾಸಕೆ

ನೀನೆಚ್ಚರವಾಗೆ

ಸಾವ ಕಳೆವ ಸುಧೆಯನುಣಲು

ಮೇಲೆ ಮೇಲೆ ಸಾಗೆ

ಆರರಿಗಳ ಕಚ್ಚಿ ಕೊಲುವೆ

ಮುಕ್ತಿಪಥವ ತೆರೆವೆ

ಭಾವದಗಲ ಬೆಳಕನೆರೆದು

ಹಾವ ಗತಿಯ ತೊರೆವೆ

ಡಿ.ನಂಜುಂಡ

09/08/2016

ಭಾರತಿಯೆ! ಬಾ

ಭಾರತಿಯೆ! ಬಾ ಮತಿಗೆ ಭಾವಗತಿಗೆ
ರಾಗರಂಜಿತಯೋಗಸಾಧನೆಗೆ

ಕಲ್ಪನಾರಾಹಿತ್ಯ ಪರಿಪೂರ್ಣಸಾಹಿತ್ಯ-
ದುತ್ಕೃಷ್ಟಲಾಲಿತ್ಯ ಪದಪುಷ್ಟಿಯೆ!
ಅಲ್ಪಜ್ಞನೀ ಭಾವಕಲ್ಪೋಕ್ತವರ್ಣದಿಂ-
ದುದ್ಭವಿಸಿ ಬಾ, ನಾದಸಂಸೃಷ್ಟಿಯೆ!

ಪ್ರಣವೋಚ್ಚಾರನಿರತದಣುರೇಣುತೃಣಗಳಲಿ
ಅನುರಣಿಪ ಆನಂದಸಂವೃಷ್ಟಿಯೆ!
ಭಾವಜ್ಞೆ! ನೀ ಭವ್ಯದಕ್ಷರಾವರ್ತನದ
ಝಂಕೃತಿಯಲವತರಿಸು ಸಂತುಷ್ಟಿಯೆ!

ಛಂದೋವಿಲಾಸಾದಿ ಪದಬಂಧಸಂಚಲಿತ
ವಾಗರ್ಥಸೌಂದರ್ಯಲಲಿತಾಂಗಿಯೆ!
ನಿಸ್ಸೀಮವಿಸ್ತಾರದೇಕಾರ್ಥಮಧುಪೂರ-
ಪದಗರ್ಭಧಾರಿಣಿಯೆ! ಗೀರ್ವಾಣಿಯೆ!

ಡಿ.ನಂಜುಂಡ
02/08/2016

ಗೊಂದಲ

ಯಾವ ಸೀರೆಯನುಡಲಿ? ಯಾವ ರವಿಕೆಯ ತೊಡಲಿ?

ತೊಟ್ಟುಡುಗೆಯನೆ ಮತ್ತೆ ಹೇಗೆ ತೊಡಲಿ?

ಹಸಿರುಡಲೆ? ಕೆಂಪುಡಲೆ? ಕಡಲೆ ಬಣ್ಣದನುಡಲೇ?

ತಿಳಿಯದಾಗಿದೆ ಹೇಳೆ? ಯಾವುದುಡಲಿ?

ಕೆಂಪು ಜರಿ ಸೀರೆಯುಡಬಹುದಾದರದನಂದು

ಸುಂದರಿಯ ಮದುವೆಮನೆಗುಟ್ಟಾಗಿದೆ

ಚಂದವಿದೆಯೆಂದ ಚಂದ್ರತ್ತೆಯೇ ನೋಡಿರಲು

ಉಟ್ಟಿದುದು ಎಲ್ಲೆಡೆಯೂ ರಟ್ಟಾಗಿದೆ

ಹಸಿರು ಸೆರಗಿನ ಮೆರುಗು ಚಂದಗಾಣಿಸಬಹುದು

ಅದಕೊಪ್ಪುವಾ ರವಿಕೆ ಬಿಗಿಯಾಗಿದೆ

ತಿಳಿನೀಲ ಸೀರೆಯದು ನನಗಿಷ್ಟವಾದರೂ

ಆ ಬಣ್ಣದಾ ಓಲೆ ತುಂಡಾಗಿದೆ

ತುಸು ತೆಳ್ಳಗಿದ್ದರೂ ಕಪ್ಪು ಸೀರೆಯಲಿ ನೀ

ಅಪ್ಸರೆಯ ಹಾಗೆಯೇ ಎಂದವರು ಅಂದು

ಬರುತಿಹರೆ ಮತ್ತಿಂದು ಎಂದು ತಿಳಿವುದು ಹೇಗೆ?

ಅದು ಬೇಡವೇ ಬೇಡ ಹೇಳೆ ಮತ್ತೊಂದು

ಡಿ.ನಂಜುಂಡ

05/07/2016

ಕಾಮನೆಗಳೆ!

ಬಾಲ್ಯವಳಿದು ಹರೆಯ ಕಳೆದು

ಬಾಳ ಬೈಗುಗೆಂಪು ತಳೆದು

ಕಾಲ ಬಲವು ಕೆಳಕೆ ಕುಸಿಯೆ

ನೆಲದಾಳದಿ ಹೂತು

ಮಣ್ಣಾಗುವ ಕಾಮನೆಗಳೆ!

ಬಣ್ಣ ತಾಳುವಿರೇಕೆ?

ಕಾಡು ಸನಿಹವಾದರೂ

ಕಾಡಿ ಕೆಣಕುವಿರೇಕೆ?

ಕಾಲದ ಮೊರದಲ್ಲಿ ತೂರಿ

ಜೊಳ್ಳೆಲ್ಲವು ಹಾರಿ

ಅಳಿದುಳಿದವುಗಳುದುರುದುರಿ

ಇಳೆಗೆ ಬೀಳೆ ಜಾರಿ

ಎಲೆಗೊಳಕಿನ ಗೊಬ್ಬರದೊಲು

ಬೆಳೆಯ ಬೇರಿಗೇರಿ

ನಳನಳಿಸುವಿರೇನು ಬಳ್ಳಿ

ಬಳುಕಿನೆಲ್ಲೆ ಮೀರಿ

ಡಿ.ನಂಜುಂಡ

03/07/2016