ಪದ

ಪದಕೋಶದಿಂದ ಪ್ರತಿಯೊಂದು ಪದವೂ

ಜಿಗಿದೆದ್ದು ಬರಲಿ ಬೇಗ

ಉಸಿರಿನೊಳು ಚಲಿಸಿ ಉಲ್ಲಾಸವಿರಿಸಿ

ತರಲಿ ಬಾನ್ತುಂಬ ರಾಗ

ಕನ್ನಡದ ಮಣ್ಣ ಸಾರವನು ಸೆಳೆದು

ತೆನೆಯಾದ ಪದಗಳೆಲ್ಲ

ಅನ್ನದೊಳು ಬಂದು ಗುನುಗುನಿಸಿ ನಿಂದು

ಹಾಡಾಗಿ ತೇಲಲೆಲ್ಲ

ಆ ಬಾನ ನೀಲ ಈ ಬನದ ನವಿಲ

ಚಿತ್ತಾರಗಳನು ತಂದು

ಸುರಿಯುತಿಹ ಮಳೆಯ ಹರಿಯುತಿಹ ಹೊನಲ

ಒಲವಿನೊಳು ಮುಳುಗಿ ಬಂದು

ಭಾವದೊಳ ಬಣ್ಣ ಒಳಗಣ್ಣ ತುಂಬಿ

ಶಿವಬಿಂಬವಾಗಿ ನಿಲಲಿ

ಸಾವಿಲ್ಲದಂಥ ಪದವಾಗಿ ನಿಂತು

ಸಮರಸವ ಸುರಿಸುತಿರಲಿ

ಡಿ.ನಂಜುಂಡ

15/12/2014