ಬಯಕೆ

ಎಂದೂ ಮುಗಿಯದ ಧಾರಾವಾಹಿಗ-

ಳಂತೆಯೆ ನಮ್ಮೊಳ ಬಯಕೆಗಳು

ಒಂದೊಕ್ಕೊಂದೂ ಹೊಂದಿಕೆಯಾಗದ

ಮನಕಂಟಿಹ ಬಂದಳಿಕೆಗಳು

ನೋಡಲು ಆಗದು ನೋಡದಿರಾಗದು

ಬಿಡದೆ ಕಾಡುವಾ ಕಷ್ಟಗಳು

ಗಮನವ ಕೊಡದೆ ಮುಂದಕೆ ಹೋದರೆ

ಎಳೆಯುತ್ತವೆ ಆ ದೆವ್ವಗಳು

ಹೂವೆನ್ನುತ ಮುಡಿಗೇರಿಸ ಹೊರಟರೆ

ಬುಸುಗುಡುತಲಿ ಹಾವಾಗುವುವು

ತೆಗೆದೊಗೆದರೆ ಮರು ಕ್ಷಣದೊಳಗಲ್ಲೇ

ಮುಳ್ಳೊಲು ಕಾಲಿಗೆ ಚುಚ್ಚುವುವು

ಇನ್ನಿವುಗಳ ಸಹವಾಸವೆ ಬೇಡ

ಎಂದರೂ ಕೂಡ ಬಿಡೆವೇಕೋ?

ವರುಷಕೆ ಒಂದಡಿ ಮುಂದಕೆ ಹಾಕುವ

ಹಿತ್ತಲ ಬೇಲಿಯ ಹಾಗೇಕೋ?

ಡಿ.ನಂಜುಂಡ

14/01/2017