ಬೈರಾಗಿ

ತಂದಾನು ತಾನನವನಂದವಾಗಿ

ಬಂದಾನು ಬಾಂದಳದ ಬಂಧುವಾಗಿ

ಮೈಬೆವರ ಹನಿಯಿಳಿಸಿ ನೆಲದತ್ತ ಕೆಳ ಬಾಗಿ

ತನ್ನತನವನು ತೆನೆಗಳೊಳಗಿಳಿಸಿ ತೂಗಿ

ತಾನು ತಾನಲ್ಲವೆನೆ ಧೂಲಿಕಣದಂತಾಗಿ

ಮೇಲೆ ಸಾಗುವನು ಬಹಳ ಹಗುರಾಗಿ

ಹಣವನೆಣಿಸುವ ಸುಖದ ಸುಳಿಯೊಳಗೆ ಸುತ್ತುತಲಿ

ಮೇ¯ಕೇರದ ಹಾಗೆ ಶವಭಾರವಾಗಿ

ರೋಗಿಯಂತಾಗುತಿಹ ಬಹು ಬಲ್ಲಿದರಿಗಾಗಿ

ಮಣ್ಣಿನನುರಾಗಿ ತಾನೀಯುತಿಹ ರಾಗಿ

ಮಾತುಮಾತೊಳಗರ್ಥರಸವನಿರಿಸುವರಾಗಿ

ರಾಗವರಸುತÀ ಬರೆದ ಕವಿಗಳಂತಾಗಿ

ತಾನುಳಿಯದೇ ನೆಲವನುಳುವವನು ತಾನಾಗಿ

ಬಾನ ರಾಗದೊಳಿಹನು ನಮ್ಮ ಬೈರಾಗಿ

ಡಿ.ನಂಜುಂಡ

23/10/2017