ಕೊಳ್ಳುಬಾಕ

ಕೊಂಡವಸ್ತುಗಳೆಲ್ಲ ಸ್ಥಳಪೂರ್ತಿ ಆಕ್ರಮಿಸಿ

ನಿಲ್ಲಲೂ ನೆಲೆಯಿಲ್ಲ ಮನೆಗಳೊಳಗೆ

ಆದರೂ ನಿಲ್ಲದದು ಕೊಳ್ಳುವಿಕೆಯಾರ್ಭಟವು

ತೃಪ್ತಿಯೊಂದಿನಿತಿಲ್ಲ ಮನಗಳೊಳಗೆ

ಬಂದಿಹುದು ಇಂದಲ್ಲಿ ವಿಧವಿಧದ ವಸ್ತುಗಳು

ಮನದಣಿಯೆ ನೋಡೋಣ ಎಂದುಕೊಂಡು

ಅಂಗಡಿಗೆ ಹೋದೊಡನೆ ದೋಚಿದಂತೆಯೆ ಬಾಚಿ

ಮನೆಗೆ ತಂದಿಹ ನೋಡಿ ಕೊಂಡುಕೊಂಡು

ಕೊಳ್ಳುವಾಸೆಯು ನುಸುಳಿ ಮನದಗಲ ಕುಣಿದಾಡೆ

ಕೊಂಡು ತರುತಿಹ ದಿನವೂ ಒಂದೊಂದು ಸರಕ

ಒಂದರಾ ಮೇಲೊಂದು ಇಟ್ಟರೂ ಸಾಲದಿಹ

ಸರಕುಗಳೇ ತುಂಬಿರುವ ಮನೆಯೊಂದು ನರಕ

ಡಿ.ನಂಜುಂಡ

18/06/2015