ಆಶೆ

ಬಾಲ್ಯವು ಕಳೆಯಿತು ಯೌವನವಳಿಯಿತು

ಮುಪ್ಪಡರಿತು ಮೈಮನಗಳಿಗೆ

ಆಶಾಗೋಪುರದೆತ್ತರವಿನ್ನೂ

ಏರುತಲಿದೆ ಬಾನೆತ್ತರಕೆ.

ಹೆಣ್ಣು-ಹೊನ್ನುಗಳು ಸಾಕು ಸಾಕೆಂದು

ಕನಸಿನಲು ಹೇಳನೆಂದೂ

ಮಾತು ಮಾತಿಗೂ ಹೇಳುತಿಹ ಮಣ್ಣಿ-

ನೊಡೆತನವು ತನ್ನದೆಂದೂ

ಬಾಳಗಡಿ ಸನಿಹವಾದರೂ ಬೇಲಿ-

ಗಡಿಯನಡಿದೂರ ವಿಸ್ತರಿಸಿ

ಒಡೆಯ ತಾನೆಂದು ಸಾರಿ ಹೇಳುವನು 

ಅಲ್ಲಲ್ಲಿ ಹೆಸರ ಕೆತ್ತಿರಿಸಿ

ಕಡೆಗಲ್ಲಿನಡಿಯ ಹುಡಿಯಾಗಿ ಹೋಗೆ

ತಾನೆಂಬುದದರ ಅಡಿಯಾಗೆ

ಒಡೆತನವ ನೆನೆದು ವಡೆಯ ಸವಿಯುವರು

ಎಲ್ಲವೂ ಕೊನೆಗೆ ಮರೆಯಾಗೆ

ಡಿ.ನಂಜುಂಡ

17/05/2016