ಬುಧವಾರ, ಸೆಪ್ಟೆಂಬರ್ 28, 2016

ಮಾಂ ಪಾಹಿ ಶ್ರೀಮಾತೆ

ಮಾಂ ಪಾಹಿ ಶ್ರೀಮಾತೆ ಜಗದಂಬೆ ಶ್ರೀ ಲಲಿತೆ
ಶ್ರೀವನಿತೆ ಶ್ರೀಚಕ್ರರಾಜಸ್ಥಿತೆ
ಶ್ರೀಕಾರಸಂಕರ್ಷಿತೇ
ಓಂಕಾರಸಂದರ್ಶಿತೇ
ಸಚ್ಚರಿತ ಸದ್ಭಾವನೈವೇದ್ಯಸಂಪ್ರೀತೆ 
ಶ್ರೀಪದ್ಮದಲಮಧ್ಯರಾರಾಜಿತೆ

ಮತಿಯು ಮಥಿಸಿದ ಕಲ್ಪನಾ ಕಥಿತ ಬಿಂಬದಲಿ
ಪ್ರತಿವಚನವೀಯುತ್ತಲವತರಿಸು ಮಾತೆ
ಗತಿ ನೀನೆ ಜ್ಞಾನಸಂಗೀತೆ
ಹಿತವೀವ ಸಂಪತ್ಪ್ರದಾತೆ
ಶ್ರುತಿವಾಕ್ಯಸಮತೂಕದಾನಂದರಸರೂಪ-
ದತಿಶಯದ ವೈಖರಿಯನಾವರಿಸು ಲಲಿತೆ

ಪರಿಶುದ್ಧ ವಸ್ತುವನು ಪರಿಚಯಿಪ ಪದಗಳಿಗೆ
ಪರಿಪರಿಯ ವರ್ಣಗಳ ಪೂರೈಸು ಮಾಯೆ
ಅರಿವೀವ ನೀನಂತರಾತ್ಮಛಾಯೆ
ವರಕುಸುಮದಲಗಳನು ತೋರು ತಾಯೆ
ಸ್ವರಚಲಿತ ಮಾಧುರ್ಯನಾದಯೋಗವನಿತ್ತು
ಚರಭೋಗವಿಷಯಗಳ ಸಂಹರಿಸಿ ಕಾಯೆ

ಡಿ.ನಂಜುಂಡ
28/09/201

ಕಾಮೆಂಟ್‌ಗಳಿಲ್ಲ:

ಕಾಮೆಂಟ್‌‌ ಪೋಸ್ಟ್‌ ಮಾಡಿ