ಬಾರೋ ವಸಂತ

ಸುಮಸಮಸುಂದರ ಪದಬಂಧದ ಕಲಕಂಠದ ವನಘಂಟಾಧ್ವಾನ

ಚೈತ್ರೋದ್ಯಾನದಿ ಪ್ರೇಮೋತ್ಸವರತ ವಸಂತದೇವಗಿದಾಹ್ವಾನ

ಬಾರೋ ಲತೆಗಳ ಮಂಟಪ ಮಧ್ಯಕೆ ರಸನೈವೇದ್ಯದ ಸ್ವಾದನೆಗೆ

ಪೂರ್ವದಿಗಂತದ ನವಾರುಣೋದಯ ಕಿರಣೋಪಮ ಮನವಿಕಸನಕೆ

ಗಿರಿಕಟಿಯಟವಿಯ ನದೀವಿಹಾರಕೆ ಸ್ವಾದೂದಕಸಂಪ್ರಾಶನಕೆ

ಜಲತಾಡನದಾ ಕೇಲಿಯ ತುಷ್ಟಿಗೆ ಭಾವೋಲ್ಲಾಸದ ಕರ್ಷಣೆಗೆ

ಬಾ ತರುಶಾಖೆಗೆ ಬಾ ತರುಮೂಲಕೆ ನಾನಾವಿಧಫಲಭೋಜನಕೆ

ಪಂಚವಟೀತಟ ಪರ್ಣಕುಟೀರಕೆ ಶೃಂಗಾರರ್ಷಿಗಳಾಶ್ರಮಕೆ

ನವತಾರುಣ್ಯದ ಹೃದಯಸರೋಜಕೆ ಬಾರೋ ಮಧುಸಂಪೋಷಣೆಗೆ

ಜೀವನಯಾತ್ರಾಪಥಸಂಕ್ರಮಣಕೆ ಆನಂದಾಮೃತವಿತರಣೆಗೆ.

ಡಿ.ನಂಜುಂಡ

09/02/2014