ಮಂಗಳವಾರ, ಮಾರ್ಚ್ 10, 2015

ಚುಟುಕಗಳು

(1)
ಬಾಲ್ಯದ ಆಟಗಳೋಟಗಳೂಟಗ-
ಳಾನಂದಕಿಹುದೇ ಸರಿಸಾಟಿ?
ಬೇಡದ ಮುಪ್ಪಿನ ಕಷ್ಟದ ಕಾಲಕೆ 
ನೆನಪುಗಳೇ ಸಹಪಾಠಿ

(2)
ಶಿಶಿರದಲೆಲೆಗಳ ಕಳಚುವ ತರುಗಳು
ಚೈತ್ರದಿ ಹಸಿರುಡೆಯುಟ್ಟಂತೆ
ಮತ್ತೆ ಯೌವನವು ಬಾರದದೇತಕೋ
ಹೊಸವುಲ್ಲಾಸವ ತರುವಂತೆ
(3)

ಕಡಿದ ಕೊಂಬೆಗಳು ಮತ್ತೆ ಚಿಗುರುವವು
ಕೊಡಲಿಗಳೇಟನು ಮರೆಯವುವು
ಮನಸೊಳು ನಾಟಿದ ಏಟುಗಳೇತಕೋ
ಎಡಬಿಡದೆಮ್ಮನು ಕಾಡುವುವು

ಡಿ.ನಂಜುಂಡ
10/03/2015


3 ಕಾಮೆಂಟ್‌ಗಳು:

  1. ಆಹಾ! ಇವು ಚುಟುಕಾದರೂ ಚುರುಗುಟ್ಟಿಸುತ್ತವೆ.
    ನಿಮ್ಮ ಪದ ಪ್ರಯೋಗವೇ ಚೆನ್ನ. ಸೊಗಸಾಗಿದೆ :)

    ಪ್ರತ್ಯುತ್ತರಅಳಿಸಿ
  2. ಬದರೀನಾರಾಯಣ ಮತ್ತು ಬದರೀನಾಥ್ ಇಬ್ಬರಿಗೂ ಕೃತಜ್ಞತೆಗಳು

    ಪ್ರತ್ಯುತ್ತರಅಳಿಸಿ