ನಿವೇದನೆ

ಓಡಬೇಡವೆಲೆ ಕಾಲ! ಮನವು ಓಡುವ ಹಾಗೆ

ಎಡಬಿಡದೆ ನನ್ನೊಡನೆ ಮೆಲ್ಲನಾಡುತಿರು

ಸಡಗರದಿ ನಾನಿರಲು ನೀ ಮುಂದೆ ಹೋಗದಿರು

ಕಾಡುವಾ ಬೇಸರಕೆ ವೇಗಗುಂದದಿರು

ಕಷ್ಟವದು ಬಂದಾಗ ಮನವ ಮುಂದೆಳೆದು ನೀ-

ನಿಷ್ಟವಿರೆ ಹಿಂದೆಳೆದು ಸಂತುಲನಗೊಳಿಸು

ಸೃಷ್ಟಿತಾಳಕೆ ನಲಿವ ವಿಶ್ವದೃಷ್ಟಿಯ ಹಾಗೆ

ವ್ಯಷ್ಟಿರೂಪದೊಳೆನ್ನ ಸಂತುಷ್ಟಿಗೊಳಿಸು

ಹೂವರಳಿ ಕಾಯಾಗಿ ಪಕ್ವವಾಗುವ ಹಾಗೆ

ಜೀವನದ ಅನುಭವವು ತಾ ಮಾಗುತಿರಲಿ

ಭವಕರ್ಮಕೃತಫಲವು ತೊಟ್ಟು ಕಳಚುತಲುದುರಿ

ಶಿವಧ್ಯಾನದಾನಂದಮೌನವೊಂದಿರಲಿ

ಡಿ.ನಂಜುಂಡ

30/03/2015