ಕಾರಣಗಳಿಲ್ಲದೆಯೆ ಓಡದಿರು ಎಲೆ ಮನವೆ!
ಕುಟ್ಟಿ ಕುಂದಾಪುರಕೆ ಹೋದ ಹಾಗೆ
ಅಜ್ಜಿಯಾ ಮನೆ ಮುಟ್ಟಿ ಹಿಂದಿರುಗಿ ನೀ ಬರಲು
ಅಷ್ಟು ವೇಗದ ಓಟವೇತಕ್ಕೆ ನಿನಗೆ?
ನೀನು ಬಯಸಿದ ವಸ್ತು-ವಿಷಯಗಳು ನೂರಾರು
ಎಲ್ಲವೂ ನಿನಗೆಲ್ಲಿ ದಕ್ಕುವುದು ಹೇಳು?
ರಸ್ತೆಗಳ ಉಬ್ಬುಗಳು ಅವಸರವ ತಡೆವಂತೆ
ನನ್ನ ಮಾತಿದು ನಿನಗೆ ತಡೆಯಂತೆ- ಕೇಳು
ನಿನ್ನೆಲ್ಲ ಮುಖಗಳನು ನನಗೆ ಕಾಣುವ ಹಾಗೆ
ಮುಖವಾಡಗಳನೆಲ್ಲ ಎಸೆದುಬಿಡು ಮನವೆ!
ನೀನಿಡುವ ಹೆಜ್ಜೆಗಳ ಎಣಿಕೆಗಳು ಸಿಗುವಂತೆ
ಅಂಬೆಗಾಲಲಿ ಇತ್ತ ಬಾರೆನ್ನ ಮಗುವೆ!
ಡಿ.ನಂಜುಂಡ
12/08/2015
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ