ಬಯಲಲಿ ಹರಡಿಹ ದೇವನ ಕಾಣಲು
ಗುಡಿಗೋಪುರಗಳು ನಮಗೇಕೆ?
ಎಲ್ಲದರೊಳಗೂ ಸಮತೆಯ ಕಾಣಲು
ಗುಣವರ್ಣನೆಗಳು ಇರಬೇಕೆ?
ನಮ್ಮೊಳಗಿರದಿಹ ಒಳ್ಳೆಯತನಗಳ
ಸ್ತುತಿಪಾಠಕೆ ಬಳಸುವುದೇಕೆ?
ಆಶಾಕುಸುಮಗಳೆಲ್ಲವ ಬಿಟ್ಟು
ಫಲಪುಷ್ಪಗಳರ್ಪಣೆಯೇಕೆ?
ಭಾವಾತೀತನಲೊಂದಾಗುವುದಕೆ
ಉದ್ವೇಗದ ಭಜನೆಗಳೇಕೆ?
ಅಂಟುಗಳಿಲ್ಲದ ದೇವನ ಪೂಜೆಗೆ
ಮಡಿಮೈಲಿಗೆಗಳ ನಂಟೇಕೆ?
ಡಿ.ನಂಜುಂಡ
29/10/2014
ಆಂಜನೇಯ ಗುಣಾಭಿಜಾನಾದ ನನ್ನಂತಹ ನರಾಧಮರಿಗೆ ಹೀಗೆ ಯಾರಾದರೂ ತಿವಿದೆಚ್ಚರಿಸುತಿರಬೇಕು. ಅದನ್ನೇ ತಾವಿಲ್ಲಿ ಮಾಡಿದ್ದೀರಿ! :)
ಪ್ರತ್ಯುತ್ತರಅಳಿಸಿಸ್ವನಿಂದೆ ತರವಲ್ಲ
ಅಳಿಸಿಪರನಿಂದೆ ತರವಲ್ಲ
ಬೇಡವೆಂದೂ ಬದರಿ
ತನ್ನ ಸ್ವಗುಣ ಬಿಡವೊಲ್ಲ