ಬುದ್ಧನಾದೆನು ಎಂದು ಎದ್ದೆದ್ದು ಕುಣಿಯುತಿರೆ
ಬುದ್ಧಿಗೊಂದೆರಡೊದ್ದು ಗುದ್ದ ನೀಡು |ಕೃಷ್ಣ!
ಸದ್ದಡಗಿ ಬಿದ್ದೊಡನೆ ಮುದ್ದು ಮಾಡು
ವೇದಶಾಸ್ತ್ರೋಪನಿಷದಾದಿಗಳನೋದೋದಿ
ಪಾದೋನಪರಮಾಣುಮಾತ್ರವಂ ತಿಳಿದು
ಮಾಧವನ ಮಹಿಮಾವಿಶೇಷಗಳ ಚರ್ಚಿಸುತ
ನಾದಮೂಲಾಧಾರಮಾರ್ದನಿಯ ಮರೆತು
ಬುದ್ಧನಾದೆನು ಎಂದು ಎದ್ದೆದ್ದು ಕುಣಿಯುತಿರೆ
ಬುದ್ಧಿಗೊಂದೆರಡೊದ್ದು ಗುದ್ದ ನೀಡು |ಕೃಷ್ಣ!
ಸದ್ದಡಗಿ ಬಿದ್ದೊಡನೆ ಮುದ್ದು ಮಾಡು
ಕದ್ದುಬಿಡು, ಮತಿಯು ಮಥಿಸಿದ ಬೆಣ್ಣೆಮುದ್ದೆಗಳ
ನಿದ್ದೆಯೊಳಗೆಳೆದು ಹೃದಯದೊಳಗಡಗಿಸಿಡು
ಎದ್ದೊಡನೆ ಮತ್ತವನು ಮತಿಗೆ ಕೊಂಡೊಯ್ದು
ಪದ್ಯಪೂರಣಗೊಳಿಸಿ ಕ್ಷಣದಿ ಮೆದ್ದುಬಿಡು
ಬುದ್ಧನಾದೆನು ಎಂದು ಎದ್ದೆದ್ದು ಕುಣಿಯುತಿರೆ
ಬುದ್ಧಿಗೊಂದೆರಡೊದ್ದು ಗುದ್ದ ನೀಡು |ಕೃಷ್ಣ!
ಸದ್ದಡಗಿ ಬಿದ್ದೊಡನೆ ಮುದ್ದು ಮಾಡು
ಭಾವಪರಿಪೂರ್ಣತೆಗೆ ಯಾವ ವರ್ಣಗಳಿವೆಯೋ
ಸಾವಿರದ ಪದದೊಳಗೆ ಎಲ್ಲವನು ತುಂಬಿ
ಜೀವಭಾವದ ರಾಗದಮೃತಧಾರಾರಾಧೆ
ಸಾವಿರದೆ ತಾನುಳಿಯೆ, ನಿನ್ನ ನಂಬಿ
ನೋವಂತೆ ಹಾಡಿದುದು ಶಕುತಿದುಂಬಿ
ಬುದ್ಧನಾದೆನು ಎಂದು ಎದ್ದೆದ್ದು ಕುಣಿಯುತಿರೆ
ಬುದ್ಧಿಗೊಂದೆರಡೊದ್ದು ಗುದ್ದ ನೀಡು |ಕೃಷ್ಣ!
ಸದ್ದಡಗಿ ಬಿದ್ದೊಡನೆ ಮುದ್ದು ಮಾಡು
ಡಿ.ನಂಜುಂಡ
29/07/2017
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ