ಶನಿವಾರ, ಜುಲೈ 29, 2017

ನಾನೆಲ್ಲಿಯವ? ಹೇಳು ಕಿಟ್ಟಿ!

ಅವ ದಿಲ್ಲಿಯವನಿವ ಹಳ್ಳಿಯವ
ನನ್ನೂರ ಹೇಳು ಕಿಟ್ಟಿ!
ನನ್ನಂತರಂಗ ಧ್ವನಿತಂತುಗಳನು
ಬೆರಳಿಂದಲೊಮ್ಮೆ ಮುಟ್ಟಿ
ಅವ ಸಾಹುಕಾರನಿವನವನ ದಾರ
ನಾನಾರು ? ಬಟ್ಟೆ ನೋಡು
ನಾ ಹುಟ್ಟಿ ಬೆಳೆದು ತುಳಿದಿರುವ ಮಣ್ಣ
ರಸ್ತೆಗಳ ಮೆಟ್ಟುತೋಡು
ಅವ ಬುದ್ಧಿಪಂಥನಿವ ಭಕ್ತಿಪಂಥ
ನಾನಾವ ಪಂಥ? ಹೇಳು
ಈ ಬಯಲ ದಾರಿ ತಾ ಸೇರಿದೂರ-
ಜನದನಿಗಳಾಂತು ಕೇಳು
ಅವ ಬಂದುದೇಕೆನಿವ ಸತ್ತುದೇಕೆ
ಎಷ್ಟಿಹುದು ಋಣದ ಬಾಕಿ?
ಬಾಳಡಿಗೆಮನೆಯ ನೀನಿಣುಕುತಿರುವೆ
ಹಬ್ಬಗಳನಿತ್ತ ನೂಕಿ
ಶ್ರಾವಣದ ಮಳೆಗೆ ನೀ ಹಿಡಿದ ಕೊಡೆಯ-
ಲಡಿಯಲ್ಲಿ ಜೊತೆಗೆ ಬರುವೆ
ನೀ ನೇಯ್ದು ಕೊಟ್ಟ ಬನಹೊಲಗಳುಟ್ಟ
ಹಸಿರುಡೆಯನುಟ್ಟು ನಲಿವೆ
ಡಿ.ನಂಜುಂಡ
30/07/2017



ಕಾಮೆಂಟ್‌ಗಳಿಲ್ಲ:

ಕಾಮೆಂಟ್‌‌ ಪೋಸ್ಟ್‌ ಮಾಡಿ