ಇರುವಿಕೆಯೊಂದೇ ಇರುವುದು -ಇಲ್ಲದಂತೆ.

ಪರಮಚೇತನದರಿವು ಪಸರಿಸಿದೆ ಎಲ್ಲೆಲ್ಲು

ಸ್ಥಿರವಾಗಿ ಇರುವುದದು ಇಲ್ಲದಂತೆ.

ಗೊತ್ತಿದ್ದು ಗೊತ್ತಿಲ್ಲದಂತಿರುವ ತತ್ತ್ವವದು,

ಸಚ್ಚಿದಾನಂದವದು; ನಿತ್ಯಪದವು.

ನಶ್ವರದ ಚರದರಿವು ಮನದೊಳಗೆ ಮನೆಮಾಡಿ

ಶಾಶ್ವತವು ನಾನೆಂದು ಬೀಗುತಿಹುದು.

ಗೊತ್ತಿಲ್ಲವೇನಿಲ್ಲ; ಗೊತ್ತೆಂದು ಮೆರೆಯುತಿದೆ

ಪಂಡಿತನ ಪದಭಾಷೆವ್ಯಾಕರಣದಿ.

ಸ್ಥಿರದರಿವು ಚಲಿಸುತಲಿ ಸೃಷ್ಟಿಯಾಗಿದೆ ಜಗವು

ಚಲನಮೂಲವು ಸ್ಥಿರವೆ; ಇರುವುದೊಂದೆ.

ಚಲನವಿಲ್ಲದ ಮನವು ಮೂಲದೊಳು ಸ್ಥಿರವಾಗೆ

ಇದೆಯೊಂದು ಇರುವಿಕೆಯು; ಇಲ್ಲದಂತೆ.