ಅನಿರ್ಬಂಧಿತ ಪ್ರೇಮ

ಬಂಧವಿಲ್ಲದ ಪ್ರೇಮ ಬ್ರಹ್ಮಾಂಡವ್ಯಾಪಿಸಿದೆ

ನಿರ್ಬಂಧವಾಗಲದು ಸಂಕುಚಿಸಿದೆ.

ಅನಿರ್ಬಂಧಪ್ರೇಮವದೆ ನಿರವದ್ಯಶಾಶ್ವತವು

ಎಲ್ಲೆಲ್ಲು ಸಮನಾಗಿ ವಿಸ್ತರಿಸಿದೆ.

ಪ್ರತಿಫಲದ ಆಸೆಯಲಿ ಪ್ರೇಮಿಸುವ ನಾವುಗಳು

ಸುಖದುಃಖಪಾಶದಲಿ ಸಿಲುಕಿರುವೆವು.

ಫಲವ ಬಯಸದ ಪ್ರೇಮ ಹೃದಯದಲಿ ನೆಲೆಯಾಗೆ

ನಿತ್ಯವಾಗುವುದೆಮಗೆ ಮುಕ್ತಿಪದವು.

ಬಂಧವಿಲ್ಲದ ಪ್ರೇಮ ನಿತ್ಯವಾಗಲು ನಮಗೆ

ಸಚ್ಛಿದಾನಂದವದು-ಬ್ರಹ್ಮಪದವು.

ನಿರ್ಬಂಧವಾದೊಡನೆ ಕಾಮಾದಿಬಂಧನದಿ

ಕ್ಷಣಿಕವಾಗುವುದದೇ-ಮೋಹಪದವು.