ತ್ರಿಪುರಾಂತಕೀ ತೋಟಕಾಷ್ಟಕಂ

 ನಮ್ಮ ಊರಿನ ತ್ರಿಪುರಾಂತಕೀ ಅಮ್ಮನವರ ಬಗ್ಗೆ ತೋಟಕವೃತ್ತದಲ್ಲಿ ರಚಿಸಿದ ನನ್ನ ಬಾಲಿಶ ಶ್ಲೋಕಗಳಿವು. ತಪ್ಪುಗಳಿದ್ದರೆ ತಿಳಿಸಲು ವಿನಂತಿಸಿಕೊಳ್ಳುತ್ತೇನೆ.

ತ್ರಿಪುರಾಂತಕೀ ತೋಟಕಾಷ್ಟಕಂ

************************

ಸುಮನೋಹರಚಾರುಮುಖೇ ಲಲಿತೇ

ಜನಮೋಹನಕಾರಣನೇತ್ರಧರೇ |

ಭುವನತ್ರಯಪಾಲಕಿ ಪಾಲಯ ಮಾಂ

ಭವತಾಪಹರೇ ತ್ರಿಪುರೇ ಜನನಿ || 1 ||

ಸಕಲಾಗಮಸಾರನಿಧೇ ಮಧುರೇ

ತವಪಾದಸರೋಜಮಹಂ ಶರಣಂ|

ಅಖಿಲಾಂಡವಿನಾಯಕಿ ಪಾಲಯ ಮಾಂ

ಭವತಾಪಹರೇ ತ್ರಿಪುರೇ ಜನನಿ || 2 ||

ನವರಾತ್ರಿಸುಪೂಜಿತದೇವಿ ಹರೇ

ನವರೂಪಧರೇ ಶರದಿಂದುಮುಖೇ |

ವಪುಷಾ ವಚಸಾ ಮನಸಾ ಶರಣಂ

ಭವತಾಪಹರೇ ತ್ರಿಪುರೇ ಜನನಿ || 3 ||

ಸುರಸಂಸ್ಕೃತಭಾಷಣಪೋಷರತೇ

ವಸ ಮೇ ವದನೇ ಕೃಪಯಾ ಜನನಿ |

ಮುನಿವಂದ್ಯಶಿರೋಮಣಿ ಪಾಲಯ ಮಾಂ

ಭವತಾಪಹರೇ ತ್ರಿಪುರೇ ಜನನಿ || 4 ||

ಸುಮಸೌರಭಸನ್ನಿಹಿತೇ ಸುಮನೇ

ಮಮ ಹೃತ್ಕಮಲೇ ವಸ ಹೇ ಸತತಂ |

ವಸನೇ ಕರಣೇ ವಸ ಮೇ ರುಧಿರೇ

ಭವತಾಪಹರೇ ತ್ರಿಪುರೇ ಜನನಿ || 5 ||

ಗಗನಾಂತರಗಾಮಿನಿ ಗಾನರತೇ

ಶಿವರಾಗಿಣಿ ಮೋಹಿನಿ ಮೌನರತೇ |

ಕೃತಪಾಪಹರೇ  ವಸ ಮೇ ಸುಗೃಹೇ

ಭವತಾಪಹರೇ ತ್ರಿಪುರೇ ಜನನಿ || 6 ||

ಮನಚಾರಿಣಿ ಚಾರುಮತೇ ಮಮತೇ

ವನಚಾರಿಣಿ ಶಂಕರಿ ಕೋಮಲತೇ |

ಶ್ರುತಿಗಾನರತೇ ಚರ ಮೇ ವಚನೇ

ಭವತಾಪಹರೇ ತ್ರಿಪುರೇ ಜನನಿ || 7 ||

ಚಿರಯೌವನಮೋಹನರೂಪಿಣಿ ಹೇ

ಪರಮಾರ್ಥವಿದಾಯರತೇ ಶರಣಂ |

ಭವತಾಪಹರೇ ತ್ರಿಗುಣೇ ಜನನಿ

ತ್ರಿಪುರಾಂತಕಿ ಹೇ ಪರಿಪಾಲಯ ಮಾಂ || 8 ||