ಸ್ವರಚಿತ ಸಂಸ್ಕೃತ ಪದ್ಯಗಳು

ತುಂಗಾತೀರವಿಹಾರಿಣೀಂ ಭಗವತೀಂ ಬ್ರಹ್ಮಾಪುರಪ್ರಾಕೃತೀಂ
ಭವ್ಯಾಂ ಭಾಂ ಭವತಾರಿಣೀಂ ಸುರನುತಾಂ ಸದ್ಭಾವಗಮ್ಯಾಂ ಶುಭಾಮ್ |
ಮಾರೀಚಾದಿಮುನಿಪ್ರಪೂಜಿತಪದಾಂ ಪದ್ಮಸ್ಥಿತಾಂ ಹೃತ್ಸ್ಥಿತಾಂ
ಆಲಂಬೇ ತ್ರಿಪುರಾಂತಕೀಂ ಪ್ರತಿದಿನಂ ದುರ್ಗಾಂ ಮದಂಬಾಮಹಂ || ಶಾರ್ದೂಲವಿಕ್ರೀಡಿತವೃತ್ತ ||

(ಬ್ರಹ್ಮಾಪುರ=ಬೊಮ್ಲಾಪುರ)

ನಾನಾ ಜನ್ಮಜಪಾಪಪುಣ್ಯಹರಣಂ ಶ್ರೀ ಸಾಂಬಸತ್ಸೇವನಂ
ಜನ್ಮವ್ಯಾಧಿಜರಾಪಮೃತ್ಯುಹನನಂ ಕಾರುಣ್ಯಸಿದ್ಧಿಪ್ರದಮ್|
ನಿತ್ಯಂ ಸಂಸ್ಕೃತಭಾವಪೂರಿತಜಪಂ ಶ್ರೀಶಂಕರಾತ್ಪ್ರೇರಿತಂ
ತಸ್ಮಾತ್ ಸತ್ಯಪದಂ ಭಜಾಮಿ ಸತತಂ ಸತ್ಯಂ ಶಿವಂ ಸುಂದರಮ್||  ಶಾರ್ದೂಲವಿಕ್ರೀಡಿತವೃತ್ತ ||

ಶಿವಪದಮಧುಧಾತ್ರೀಂ ಸರ್ವಸಂಪತ್ಪ್ರದಾತ್ರೀಂ
ಮದನರಿಪುಸುರಾಗೀಂ ಧ್ಯಾನಮಗ್ನಾಂ ವಿರಾಗೀಮ್|
ಅಮೃತವನಸುಚೈತ್ರೀಂ ಪುಷ್ಪಬಾಣಾನ್ ಪ್ರಪನ್ನಾಂ
ಅನವರತಮಹಂ ತಾಂ ಸುಂದರೀಂ ಭಾವಯಾಮಿ||   ಮಾಲಿನೀವೃತ್ತ ||

ನಿತ್ಯಂ ಶಿವಂ ಸಂತತ ಸತ್ಯಮೂರ್ತಿಂ
ಹೃದಂಧಕಾರಕ್ಷಯಕಾರಕಂ ತಮ್|
ಸರ್ವೇಷ್ಟಸಿದ್ಧಿಪ್ರದಪಾದಯುಗ್ಮಂ
ಭಜಾಮಿ ಭಕ್ತ್ಯಾsಮಲಚಿತ್ತವೃತ್ಯಾ||    ಉಪಜಾತಿವೃತ್ತ ||

ಸರ್ವಭೂತಿಂ ಪ್ರದಾಸ್ಯಾಮಿ ನಾನಾ ಜನ್ಮನಿ ಸಂಚಿತಮ್|
ವಿಭೂತಿಂ ದೇಹಿ ಮೇ ಶಂಭೋ ಸ್ವಾನುಭೂತಿಪ್ರದಂ ಶುಭಮ್||  ಅನುಷ್ಟುಪ್ ||

ಶ್ರೀಚಕ್ರಸ್ಥಾಮನಂತಾಮಚಲಚಲಯುತಾಮಾದಿಶಕ್ತೀಮನಾದೀ-
ಮಕ್ಷಾದ್ಯಂತ್ಯೈಶ್ಚರಂತೀಮಮರಪದರತೀಂ ಮಧ್ಯಶೂನ್ಯಾಮನನ್ಯಾಮ್ |
ಕಾಲಾತೀತಾಂ ತ್ರಿಕಾಲಾಂ ತ್ರಿಭುವನಜನನೀಂ ತ್ರ್ಯಕ್ಷರಾದ್ಯಂತಗರ್ಭಾ-
ಮಾಲಂಬೇಹಂ ಮದಂಬಾಂ ತ್ರಿಪುರಹರಪದಾಂ ದಿವ್ಯಸೌಂದರ್ಯರೂಪಾಮ್ || ಸ್ರಗ್ಧರಾ ವೃತ್ತ ||

ನಮೋ ಭವಾನ್ಯೈ ನವಕನ್ಯಕಾಯೈ

ನಮಃತ್ರಿಕಾಲಾಗ್ನಿಸುದೀಪ್ತಿಕಾಯೈ|

ಸುಜ್ಞಾನರೂಪೈರ್ಮಮಕಾರಹಂತ್ರ್ಯೈ

ಮಾತ್ರೇ ಸದಾ ಸಂಪದಸನ್ನಿಧಾಯೈ || ಉಪಜಾತಿವೃತ್ತ||